Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 23. apríl 2018 13:00
Fótbolti.net
Spá þjálfara og fyrirliða í Inkasso-deildinni: 12. sæti
ÍR er spáð botnsætinu í Inkasso-deildinni í sumar.
ÍR er spáð botnsætinu í Inkasso-deildinni í sumar.
Mynd: Fótbolti.net - Tomasz Kolodziejski
Már Viðarsson fagnar marki.
Már Viðarsson fagnar marki.
Mynd: Fótbolti.net - Eyjólfur Garðarsson
Viktor Örn Guðmundsson er lykilmaður hjá ÍR.
Viktor Örn Guðmundsson er lykilmaður hjá ÍR.
Mynd: Fótbolti.net - Hafliði Breiðfjörð
Jón Gísli Ström fagnar marki.
Jón Gísli Ström fagnar marki.
Mynd: Fótbolti.net - Tomasz Kolodziejski
Axel Kári Vignisson fyrirliði ÍR.
Axel Kári Vignisson fyrirliði ÍR.
Mynd: Fótbolti.net - Tomasz Kolodziejski
Fótbolti.net kynnir liðin sem leika í Inkasso-deildinni í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið og fengu liðin því stig frá 1-11 eftir því en ekki var hægt að spá fyrir sínu eigin liði.

Spáin:
1. ?
2. ?
3. ?
4. ?
5. ?
6. ?
7. ?
8. ?
9. ?
10. ?
11. ?
12. ÍR 50 stig

12. ÍR
Lokastaða í fyrra: 10. sæti í Inkasso-deildinni
ÍR-ingar unnu 2. deildina örugglega árið 2016 og héldu sæti sínu í Inkasso-deildinni í fyrra þrátt fyrir að falldraugurinn hafi bankað upp á. Gífurlegar breytingar hafa orðið á leikmannahópnum frá því á síðasta tímabili og nýr þjálfari er í brúnni.

Þjálfarinn: Brynjar Þór Gestsson tók við ÍR síðastliðið haust eftir að Arnar Þór Valsson hafði verið við stjórnvölinn í neðra Breiðholti undanfarin ár. Brynjar kom Þrótti Vogum upp úr 3. deildinni í fyrra en hann hefur áður þjálfað lið eins og Fjarðabyggð, ÍH, Hugin, Víði og Álftanes.

Styrkleikar: Heimamanna kjarninn sem er enn til staðar í hópnum hefur gengið í gegnum súrt og sætt með ÍR undanfarin ár og býr yfir ágætis reynslu. Hópurinn hjá ÍR er mjög stór og jafn og mikil samkeppni er um stöður í liðinu. Uppgangur hefur verið í fótboltanum hjá ÍR undanfarin ár og liðið getur byggt ofan á það að hafa náð að halda sæti sínu í Inkasso-deildinni í fyrra.

Veikleikar: Mjög miklar breytingar hafa orðið á leikmannahópnum í vetur og öflugir leikmenn hafa dottið út. ÍR vann einungis einn leik samtals í Reykjavíkurmótinu og Lengjubikarnum og gengið á undirbúningstímabilinu gefur ekki góð fyrirheit fyrir sumarið. Meiðsli hafa sett strik í reikninginn hjá ÍR undanfarnar vikur og liðið virðist ekki vera búið að finna réttu blönduna fyrir sumarið.

Lykilmenn: Axel Kári Vignisson, Óskar Jónsson, Viktor Örn Guðmundsson.

Gaman að fylgjast með: Máni Austmann Hilmarsson og Aron Skúli Brynjarsson eru ungir og efnilegir sóknarmenn sem eru á láni frá Stjörnunni og Val. Fá tækifæri til að láta ljós sitt skína í Inkasso-deildinni í sumar.

Komnir:
Alexander Kostic frá Gróttu
Andri Þór Magnússon frá Gróttu
Aron Skúli Brynjarsson frá Val
Björgvin Stefán Pétursson frá Leikni F.
Brynjar Óli Bjarnason frá Breiðabliki
Gísli Martin Sigurðsson frá Breiðabliki
Gylfi Örn Öfjörð frá Grindavík
Halldór Jón Sigurður Þórðarson frá Víkingi R.
Máni Austmann Hilmarsson á láni frá Stjörnunni
Nile Walwyn frá Nýja-Sjálandi
Óskar Jónsson á láni frá Breiðabliki
Patrik Sigurður Gunnarsson á láni frá Breiðabliki
Teitur Pétursson frá Kára

Farnir:
Björn Anton Guðmundsson, slitið krossband
Brynjar Steinþórsson í Álafoss
Eyþór Þorvaldsson í Vængi Júpíters
Halldór Arnarsson
Jordan Farahani
Jón Arnar Barðdal í Stjörnuna (Var á láni)
Reynir Haraldsson
Renato Punyed (Var á láni)
Sergine Fall í Vestra
Styrmir Erlendsson

Fyrstu þrír leikir ÍR
5. maí ÍR - Víkingur Ó.
12. maí Selfoss - ÍR
18. maí ÍR - Þróttur R.
Athugasemdir
banner
banner
banner
banner