„Ég er mjög sáttur með þrjú stig á mjög erfiðum útivelli í dag," sagði Björgvin Stefán Pétursson fyrirliði Leiknis frá Fáskrúðsfirði eftir 2-1 sigur á Aftureldingu í 2. deildinni í dag.
Lestu um leikinn: Afturelding 1 - 2 Leiknir F.
Björgvin fékk vítaspyrnu í fyrri hálfleik en hann féll þegar há fyrirgjöf kom inn á teiginn.
„Það var pjúra vítaspyrna. Hann fer í bakið á mér og ég dett. Þetta var víti, það er klárt. Þetta var ekki neinn leikaraskapur."
Leiknismenn eru með fullt hús stiga eftir þrjá leiki og ætla að vera í toppbaráttunni í 2. deild í sumar.
„Klisjan er að vinna alla leiki og þá erum við í toppbaráttu," sagði Björgvin.
Hér að ofan má sjá viðtalið í heild sinni.
Athugasemdir