Davíð Þór Viðarsson, fyrirliði FH, var svekktur eftir 1-1 jafntefli á móti Stjörnunni í kvöld.
FH var marki yfir þegar skammt var til leiksloka en þá jafnaði Hilmar Árni Halldórsson fyrir Stjörnuna og þar við sat.
FH var marki yfir þegar skammt var til leiksloka en þá jafnaði Hilmar Árni Halldórsson fyrir Stjörnuna og þar við sat.
Lestu um leikinn: Stjarnan 1 - 1 FH
„Við erum svekktir með það, mér fannst við vera með fín tök á leiknum. Þeir pressuðu okkur aðeins undir lokin sem er eðlilegt en við getum sjálfum okkur um kennt."
Hann er sérstaklega ósáttur við að FH hafi fengið á sig mark svona seint. Honum fannst líka brotið á FH-ing skömmu áður þar sem ekki var dæmt.
„Við erum með það reynslumikið lið að við eigum ekki að klúðra því. Við fáum á okkur upphlaup en það er spurning hvort, annars mjög góður, dómari leiksins hefði ekki átt að dæma."
FH hefur tapað stigum á móti KR og Stjörnunni og er Davíð ósáttur við að FH hefur ekki náð að vinna hin stærri liðin í deildinni.
„Ég hefði viljað fá fleiri stig á móti þessum stóru liðum en við verðum að vinna hina leikina í staðin."
Viðtalið má sjá í heild sinni hér að ofan.
Athugasemdir