Alfreð Elías þjálfari Selfyssinga var að vonum mjög sáttur eftir 4-1 sigur sinna stelpna á FH í kvöld. Selfyssingar voru heilt yfir betri í leiknum og unnu leikinn örugglega.
„Að sjálfsögðu hefðum við viljað halda hreinu afþví að við stóðum okkur gríðarlega vel varnarlega, vorum þéttar og vorum búnar að lesa þær vel. Stelpurnar eiga hrós skilið en við verðum að halda fókus."
„Ótrúlegur léttir að taka þessa 3 punkta og reynt að byggja ofaná það. Við erum reyndar búnar að vera að byggja ofaná okkar spil undanfarna 4 leiki og það er búið að vera góður stígandi í þessu. Það tókst að taka 3 stig í dag."
„Mér fannst þetta geggjaður leikur fyrir augað varnarlega fyrir okkur. Þær stóðu sig gríðarlega vel og gerðu það sem var lagt upp með, þær eiga hrós skilið."
Selfyssingar hafa fengið nokkra leikmenn úr háskólabolta frá Bandaríkjunum en þær munu þó staldra stutt við. Til dæmis Eva Lind sem var maður leiksins í kvöld. Alfreð segir mikilvægt að safna stigum meðan þær spila með liðinu.
„Já, við vitum alveg hvað við höfum í höndunum hérna á Selfossi. Þessar stelpur styrkja okkur en ég er hvergi banginn þegar þær fara. Við verðum alveg tilbúin í það, það er bara seinni tíma vandamál."
Viðtalið má sjá í heild sinni hér að ofan.
Athugasemdir
