Cristian Martínez, markvörður KA, vonast til að verða klár í leik liðsins gegn KR á sunnudag eftir að hafa meiðst á furðulegan hátt í upphitun gegn Keflavík í gær.
Cristian varð að stíga til hliðar eftir leik í gær vegna höfuðmeiðsla.
Cristian meiddist eftir að Daníel Hafsteinsson skallaði boltann í höfuðið á honum.
Cristian varð að stíga til hliðar eftir leik í gær vegna höfuðmeiðsla.
Cristian meiddist eftir að Daníel Hafsteinsson skallaði boltann í höfuðið á honum.
„Ég var í upphitun með markmannsþjálfaranum (Srdjan Rajkovic) og var að gera mig tilbúinn fyrir fyrirgjöf þegar annar bolti kom í höfuðið á mér," sagði Cristian við Fótbolta.net í dag.
„Eftir það svimaði mig mikið og sjúkraþjálfarinn skoðaði mig. Hann sá að ég var ekki í lagi og að ég gæti ekki spilað."
Cristian er vongóður um að ná leiknum gegn KR á sunnudaginn.„Ég er betri í dag, ég er bara með hausverk. Ég held að ég verði klár í næsta leik en við sjáum hvernig vikan gengur," sagði Cristian.
Aron Elí Gíslason tók stöðu Cristian í gær og varði mark KA í markalausa jafnteflinu gegn Keflavík. Hinn tvítugi Aron byrjaði að æfa sem markvörður í fyrra!
Athugasemdir