Leikurinn fór verulega fjörlega af stað og þrjú mörk litu dagsins ljós á fyrstu átján mínútum leiksins. Eden Hazard kom Belgíu yfir úr vítaspyrnu á 5. mínútu eftir að Syam Ben Youssef braut á leikmanninum.

Lukaku bætti við öðru marki fyrir Belgíu á 16. mínútu þegar hann komst í gegnum vörn Túnis og kláraði vel í hægra hornið. Aðeins tveimur mínútum síðan var Túnis búið að minnka muninn þegar Bronn skallaði knöttinn í netið.

Túnis varð fyrir áfalli skömmu síðar þegar markaskorarinn var borinn af velli vegna hnémeiðsla. Ben Youssef fór sömu leið rétt fyrir lok fyrri hálfleiks. Útlitið batnaði ekki fyrir Túnis skoraði í uppbótartíma fyrri hálfleiks og kom Belgíu tveimur mörkum yfir.

Belgía hélt uppteknum hætti í síðari hálfleik og á 51. mínútu skoraði Eden Hazard aftur eftir að hafa sloppið í gegnum vörn Túnis.

Í kjölfarið gat Belgia leyft sér að hvíla markaskorarana tvo. Batshuayi kom inn fyrir Hazard og lét mikið að sér kveða. Leikmaðurinn fékk urmul færa og tókst að setja eitt á lokamínútu leiksins. Túnis náði sárabótamarki í lokin þegar Khazri skoraði.

Lokatölur 5-2 í frábæru knattspyrnuleik. Belgía leit hrikalega vel út í dag og eru svo gott sem komnir áfram eftir úrslitin. Túnis er hinsvegar úr leik.