Víðir var í essinu sínu á æfingu Íslands í rigningunni í Kabardinka í morgun og reyndi fyrir sér í þremur íþróttagreinum á meðan æfingunni stóð.

Hann hóf leikinn á hefðbundnum fótboltaæfingum og tók meðal annars hælspyrnu en í kjölfarið var tekist á.

Hann skoraði þá Þorgrím Þráinsson á hólm í íslenskri glímu. Víðir var að hafa Þorgrím með mögnuðum hælkrók þegar leikar voru skyndilega stöðvaðir. „Hann gefst alltaf upp," sagði Víðir þegar fjölmiðlamenn kvörtuðu yfir að hann hafi ekki lagt Þorgrím í grasið.

Að lokum fór Víðir svo í keppni í körfubolta við Hörð Björgvin Magnússon og hafði hann. Hér að neðan má svo sjá myndir af íþróttadegi öryggisstjórans.