,,Við erum ennþá underdogs en við höfum heimavöllinn og við náðum góðum úrslitum úti. Ég tel möguleika okkar mjög góða," sagði Atli Jóhannsson miðjumaður Stjörnunnar í dag en liðið mætir Motherwell í Evrópudeildinni annað kvöld.
Staðan eftir fyrri leikinn er 2-2 og því hafa Stjörnumenn forskot á útivallarmörkum fyrir leikinn á morgun.
,,Þeir þurfa að sækja og ná í allavega eitt mark. Við erum ekkert að fara að pakka í vörn og bjóða þeim á okkar helming. Við munum beita skyndisóknum þegar tími er til."
,,Þetta er mjög gott lið og þeir sýndu okkur á fyrstu 20 mínútunum að þetta eru alvöru kallar. Þeir eru líka með fullt af veikleikum og við vonumst til að hafa unnið heimavinnuna vel til að vinna þennan leik."
Uppselt er á leikinn og Atli vonast eftir góðum stuðningi annað kvöld.
,,Það er gríðarlegur áhugi og stemning fyir leiknum. Ef við ætlum að gera eitthvað í þessum leik þá þurfum við klárlega á Silfurskeiðinni og Garðbæingum að halda."
Hér að ofan má sjá viðtalið í heild sinni.
Athugasemdir