Glódís Perla Viggósdóttir sýnir á sér hina hliðina að þessu sinni en hún leikur með Stjörnunni í Pepsi-deildinni.
Glódís Perla hefur leikið níu leiki með Stjörnunni í Pepsi-deildinni í ár og skorað tvö mörk. Hún leikur sem miðvörður. Hún spilaði sinn fyrsta leik 14 ára með HK/Víking sumarið 2009.
Glódís Perla hefur leikið níu leiki með Stjörnunni í Pepsi-deildinni í ár og skorað tvö mörk. Hún leikur sem miðvörður. Hún spilaði sinn fyrsta leik 14 ára með HK/Víking sumarið 2009.
Fullt nafn: Glódís Perla Viggósdóttir
Gælunafn sem þú þolir ekki: Glóa
Aldur: 19 ára
Gift/sambúð: Í sambandi
Börn: Nei
Kvöldmatur í gær: Pabbi grillaði gúrme hamborgara
Uppáhalds matsölustaður: Örugglega Argentína en það er alltaf gott að kippa með sér serrano í flýti.
Hvernig bíl áttu: Ég á ekki bíl
Besti sjónvarpsþáttur: One Tree Hill er mest uppáhalds og svo Scandal núna nýlega.
Uppáhalds hljómsveit: Á enga sérstaka uppáhalds, hlusta bara á allt.
Uppáhalds skemmtistaður: Fer nánast aldrei a skemmtistaði svo ég hreinlega veit ekki
Frægasti vinur þinn á Facebook: Kata Jóns
Hvernig hljómar síðasta sms sem þú fékkst: "Til hamingju með dagin sistah✌️ love you long time! Knús frá Berlin "
Hefurðu tekið dýfu innan teigs: Nei það hef ég ekki gert
Hvaða liði myndir þú aldrei spila með: Aldrei að segja aldrei en þar sem ég er uppalinn HK-ingur verð ég að segja Breiðablik
Besti leikmaður sem þú hefur mætt: Fyrsta sem mér dettur í hug er Célia Sasic Mbabi
Mest óþolandi leikmaður sem þú hefur mætt: Veit ekki..
Sætasti sigurinn: Held það nýlegasta sé örugglega að vinna Svíþjóð í leik um 3. sætið á Algarve eða að vinna lengjubikarinn.
Mestu vonbrigðin: Að hafa ekki komist í úrslitaleik bikarsins í fyrra !
Uppáhalds lið í enska: Á eiginlega ekkert uppáhaldslið.. er í liðaleit eins og staðan er núna!
Ef þú fengir að velja einn leikmann úr öðru íslensku liði í þitt lið: Dóra María, þá myndu kannski fleiri mæta á leikina.
Fyrsta verk ef þú yrðir formaður KSÍ: Ég myndi byrja á að brúa bilið milli u19 og a-landsliðskvenna með því að stofna u21 ára lið eins og karlarnir eru með. Næst myndi ég reyna að gera allt sem ég gæti til að ýta enn meira undir áhuga á kvennaknattspyrnu!
Efnilegasti knattspyrnumaður landsins: Er bara ekki viss þeir eru svo margir en hef mikla trú á að hann Orri Sigurður eigi eftir að gera góð hluti í framtíðinni.
Fallegasti knattspyrnumaðurinn: Of klassískt að segja Beckham svo ég ætla að segja Pique, það er eitthvað heillandi við hann.
Fallegasta knattspyrnukonan í deildinni: Anna Björk Kristjánsdóttir
Besti íþróttalýsandinn: Gummi Ben.
Hver er mesti höstlerinn í liðinu: Anna María fær þann titil, hún er alltaf að færa sig meira og meira uppá skaftið stelpan!
Uppáhalds staður á Íslandi:Skagaströnd
Segðu okkur frá skemmtilegu atviki sem gerst hefur í leik: Í lengjubikarnum í fyrra á móti breiðablik vildi svo óheppilega til að báðir markmennirnir okkar voru meiddir og ég þurfti að fara í mark. Það höfðu ekki margir trú á að við myndum vinna þennan leik og ef einhver tippaði á okkur, fékk hann sá sami örugglega smá pening i vasan því við unnum leikinn með yfirburðum 4-1 og liðið örugglega sjaldan spilað jafn vel, ég fekk bara 2 skot á mig og varði annað skotið bara ansi vel!
Hvenær lékstu þinn fyrsta leik með meistaraflokki: Spilaði fyrsta leikinn minn 2009 þegar ég var 13 ára.
Besta við að æfa fótbolta: Félagsskapurinn og hreyfingin og svo er það sigurtilfinningin sem toppar bara allt.
Hvenær vaknarðu á daginn: Oftast rétt fyrir 8 til að mæta í vinnu
.
Fyrir utan knattspyrnu, fylgist þú með öðrum íþróttum: Já ég elska að horfa á handbolta og mér finnst rosalega gaman að horfa a fimleika líka !
Hvenær borgaðir þú þig síðast inn á knattspyrnuleik: Ég bara man það ekki
Í hvernig fótboltaskóm spilar þú:Adidas adipure
Í hverju varstu/ertu lélegastur í skóla: Ég var lélegust í sundi í grunnskóla og svo ekkert frábært í stærðfræði í menntaskóla !
Vandræðalegasta augnablik: Mér dettur ekkert í hug.
Skilaboð til Freyss Alexanderssonar: Áfram Ísland
Viltu opinbera leyndarmál að lokum:
Athugasemdir