,,Við förum inn í þennan leik eins og alla aðra leiki. Við ætlum að verjast vel og beita skyndisóknum," sagði Rúnar Páll Sigmundsson þjálfari Stjörnunnar á fréttamannafundi í dag.
Stjarnan mætir Motherwell í Evrópudeildinni annað kvöld en staðan er 2-2 eftir fyrri leikinn.
,,Þeim dugar að vinna 1-0 og við gerum okkur grein fyrir því að við þurfum að vera gríðarlega agaðir og skipulagðir í okkar varnarleik og helst að ná marki á þá. 0-0 og 1-1 staða er góð fyrir okkur en við viljum að sjálfsögðu vinna þennan leik."
Stjarnan mætir Motherwell í Evrópudeildinni annað kvöld en staðan er 2-2 eftir fyrri leikinn.
,,Þeim dugar að vinna 1-0 og við gerum okkur grein fyrir því að við þurfum að vera gríðarlega agaðir og skipulagðir í okkar varnarleik og helst að ná marki á þá. 0-0 og 1-1 staða er góð fyrir okkur en við viljum að sjálfsögðu vinna þennan leik."
,,Þetta er gríðarlega öflugt og vel spilandi lið sem við erum að mæta. Það er mikill
kraftur í þeim. Við verðum reiðbúnir að stoppa þeirra fyrirgjafir og styrkleika."
Leikmenn Motherwell eru ekki vanir á því að spila á gervigrasi líkt og í Garðabæ á morgun.
,,Ég heyrði það úti að þeir ætluðu að fá hagstæð úrslit í Skotlandi til þess að geta tekið því aðeins rólegra hérna vegna þess að þeir eru mjög hræddir við þetta gras og eru ekki vanir að spila á gervigrasi. Að sjálfsögðu er það hagstætt fyrir okkur en þetta er bara fótbolti."
Mikil spenna er fyrir leiknum hjá stuðningsmönnum Stjörnunnar í Garðabæ. ,,Það er gríðarleg stemning sem aldrei fyrr. Það er mikil tilhlökkun hjá bæjarbúum og það var uppselt snemma í gær," sagði Rúnar.
Hér að ofan má sjá viðtalið í heild sinni.
Athugasemdir