Aurier, sem er sóknarsinnaður hægti bakvörður, hefur verið orðaður við mörg sterk félög og þar á meðal Arsenal en hann gekk hinsvegar frá samningum við PSG í kvöld.

Aurier sem er 21 árs gamall er einn af efnilegri bakvörðum heimsins um þessar mundir en hann kemur til PSG á eins árs láni. Franska liðið á þá möguleika á að festa kaup á honum að því loknu.

,,Þetta er æskudraumur, að spila með svona mögnuðum leikmönnum hjá Paris Saint-Germain," sagði Aurier.

Þetta er annar leikmaðurinn sem PSG fær í sumar en David Luiz kom frá Chelsea í byrjun sumars.