Heimild: Vísir.is
Þorsteinn Már Ragnarsson í leik með KR
Þorsteinn Már Ragnarsson, leikmaður KR í Pepsi-deild karla, er á leið til Víkings Ólafsvíkur á láni út tímabilið en Vísir greinir frá þessu á vef sínum í kvöld.
Þorsteinn hefur einungis byrjað tvo leiki í liði KR á þessari leiktíð en hann hefur samt sem áður komið við sögu í níu leikjum.
Samkvæmt heimildum Vísis þá hafa mörg lið haft áhuga á að fá Þorstein í sína raðir en nú er útlit fyrir að hann sé á leið til Víkings í Ólafsvík.
Hann ætti að kannast við sig þar en hann spilaði þar áður en KR fékk hann eftir magnaða frammistöðu hans í 1. deildinni árið 2011 þar sem hann gerði 6 mörk í 18 leikjum.
Þetta er gríðarlegur styrkur fyrir Víkinga sem eru í sjötta sæti 1. deildar með 19 stig, tveimur stigum frá ÍA sem er í öðru sæti deildarinnar.
Athugasemdir
