Það vantaði ekki dramatíkina í 2. deildinni í dag en þá mættust KF og Vestri í svakalegum leik. Fyrir leikinn var KF langneðst í deildinni og þurfti eitthvað svakalegt til að halda sæti sínu í deildinni.

Það byrjaði ekki gæfulega gegn Vestra í dag. Eftir 26 mínútur var staðan orðin 0-2 og útlitið dökkt en þannig var staðain þegar flautað var til hálfleiks.

KF voru hins vegar sterkari í seinni hálfleik og minnkuðu muninn eftir rúmar tíu mínútur í honum, þar var að verki Isaac Ruben Rodriguez Ojeda. Honum tókst svo að jafna í blálokin en þar með var sagan ekki öll sögð.

Vestra tókst nefnilega að skora sigurmarkið á loka augnablikunum og er KF því sjö stigum frá öruggu sæti í deildinni. Vestri er í efri hluta deildarinnar, fimm stigum frá 2. sæti.