lau 23. júlí 2016 11:03
Jóhann Ingi Hafþórsson
Higuain á leiðinni í læknisskoðun hjá Juventus
Higuain í leik gegn Juventus.
Higuain í leik gegn Juventus.
Mynd: Getty Images
Gonzalo Higuain, framherji Napoli er á leiðinni í læknisskoðun hjá Juventus en hann er búinn að ganga frá kaupum og kjörum við ítalska liðið.

Napoli og Juventus hafa hins vegar ekki gengið frá samningum sín á milli en liðin eiga í viðræðum þessa stundina.

Higuain kom til Napoli frá Real Madrid árið 2013 en hann á tvö ár eftir af samningi sínum. Hann var markahæsti leikmaður Serie A á síðustu leiktíð með 36 mörk.

Higuain hefur einnig verið orðaður við ARsenal og Atletico en svo virðist sem Juventus sé búið að vinna kapphlaupið um hann.
Athugasemdir
banner
banner
banner
banner