„Tilfinningin er bara frábær, maður er búinn að bíða eftir þessu síðan maður byrjaði að spila fótbolta, þannig að það er loksins komið að þessu,” sagði Sóley Guðmundsdóttir fyrirliði ÍBV eftir 0-1 sigur gegn Þór/KA í undanúrslitum Borgunarbikars kvenna.
Lestu um leikinn: Þór/KA 0 - 1 ÍBV
„Þetta var mjög mikill baráttuleikur, völlurinn mjög blautur þannig við gátum ekki spilað fallegan fótbolta, þetta var bara þvílík barátta og við vorum yfir í baráttunni í dag.”
„Við vorum með meira á tanknum, við gátum klárað þetta, einbeitingin var í lagi og við kláruðum allt sem við áttum.”
Í úrslitaleiknum mætir ÍBV Breiðabliki.
„Það er alltaf gaman að mæta Blikum, þær eru hörkulið og það verður örugglega alveg jafn mikill baráttuleikur og núna.
Viðtalið í heild sinni má sjá hér að ofan.
Athugasemdir