Glódís.
„Ég var bara á refresh takkanum að vona að Frakkar myndu klára þetta. Þetta var ótrúlega svekkjandi," sagði Glódís Perla Viggósdóttir, varnarmaður Íslands, á æfingu Íslands í morgun.
Eftir tapið gegn Sviss í gær var ljóst að Ísland þurfti að treysta á sigur Frakklands gegn Austurríki til að halda sér á lífi í mótinu. Það tókst ekki.
Eftir tapið gegn Sviss í gær var ljóst að Ísland þurfti að treysta á sigur Frakklands gegn Austurríki til að halda sér á lífi í mótinu. Það tókst ekki.
„Ég gat ekki áttað mig á þessu. Maður er engan veginn tilbúin í að fara heim. Það gekk alls ekki vel að sofna í nótt, það er erfitt að sætta sig við þetta."
Þrátt fyrir tvö töp segist Glódís stolt af liðinu.
„Við erum að spila ógeðslega vel og að fá að vera partur af þessu liði er algjör heiður. Við munum ganga stoltar frá þessu móti eftir að við vinnum Austurríki á miðvikudaginn."
Glódís er sammála Frey Alexanderssyni sem talaði um það eftir leikinn að íslenska landsliðið mætti vera duglegra að setja pressu á dómarann og vinna dómgæsluna á sitt band.
„Það eru það sem þessar stóru þjóðir gera. Það gerðu Frakkar til dæmis á móti okkur. Þær kunna þetta betur. Við Íslendingar erum bara heiðarlegri en þetta."
Sjáðu viðtalið í heild í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir
