Brasilíumaðurinn Neymar gæti mögulega verið á leið til franska liðsins Paris Saint-Germain. Sky Sports greindi frá því í gær að 90% líkur væru á því að Neymar færi frá Barcelona í sumar og í dag segir Marca að leikmaðurinn hafi samþykkt sex ára samning.
PSG er víst tilbúið að borga riftunarverðið í samningi Neymar, rúmar 200 milljónir punda. Neymar yrði þá langdýrastur í sögunni.
PSG er víst tilbúið að borga riftunarverðið í samningi Neymar, rúmar 200 milljónir punda. Neymar yrði þá langdýrastur í sögunni.
Jurgen Klopp, stjóri Liverpool, var spurður út í þetta af blaðamönnum í gær. Klopp var þá undirbúa lið sitt fyrir úrslitaleik gegn Leicester á æfingamóti í Hong Kong. Liverpool vann leikinn 2-1.
„Ef satt reynist með Neymar, þá er það í rauninni ekki frá þessari plánetu lengur," sagði Klopp.
Hann botnar ekki þessa upphæð.
„Í alvöru? 220 milljónir evra? Ég trúi því ekki að það muni gerast. En ef það gerist, þá breytir það öllu."
Athugasemdir