Rooney hefur farið vel af stað með Everton.
Wayne Rooney er einn af bestu leikmönnum heims í sinni stöðu, að mati Ronald Koeman, stjóra Everton.
Undanfarin tímabil hafa ekki verið góð fyrir Rooney. Á síðasta tímabili þurfti hann að sætta sig við mikla bekkjarsetu hjá Manchester United.
Undanfarin tímabil hafa ekki verið góð fyrir Rooney. Á síðasta tímabili þurfti hann að sætta sig við mikla bekkjarsetu hjá Manchester United.
Hann vildi ekki taka annað tímabil í að sitja á varamannabekknum og ákvað því að fara til Everton í sumar.
Rooney hefur farið vel af stað með Everton og skoraði til að mynda glæsilegt mark í sínum fyrsta æfingaleik með liðinu.
Ronald Koeman, stjóri liðsins, er ánægður.
„Hann er með mikla reynslu. Hann er mikilvægur leikmaður inn á vellinum og líka utan hans," sagði Koeman við vefsíðu Everton.
„Á hverjum degi á æfingum og í æfingaleikjunum sem við höfum spilað hingað til, þá sérðu af hverju hann er einn sá besti í sinni stöðu í heiminum, hann er einn sá allra besti."
Athugasemdir
