Neymar fagnar hér marki í gærkvöldi.
Ernesto Valverde, þjálfari Barcelona, vill halda Brasilíumanninum Neymar hjá Barcelona, en það er mjög skiljanlegt.
Í Powerade-slúðrinu í gær kom fram að Neymar hafi sagt liðsfélögum sínum hjá Barcelona að hann væri á leið til franska félagsins Paris Saint-Germain. Þá greindi Sky Sports frá því að 90% líkur væru á því að Neymar væri á förum.
Í Powerade-slúðrinu í gær kom fram að Neymar hafi sagt liðsfélögum sínum hjá Barcelona að hann væri á leið til franska félagsins Paris Saint-Germain. Þá greindi Sky Sports frá því að 90% líkur væru á því að Neymar væri á förum.
PSG er víst tilbúið að borga riftunarverðið í samningi Neymar, rúmar 200 milljónir punda. Neymar yrði þá langdýrastur í sögunni.
Neymar tók þátt í æfingaleik með Barcelona í gærkvöldi og skoraði tvisvar í 2-1 sigri á Juventus. Hann var frábær í leiknum.
Neymar ræddi ekki við blaðamenn að leik loknum, en Valverde tjáði sig um stöðu mála.
„Við viljum hafa Neymar hjá okkur," sagði Valverde.
„Við vitum hvað hann getur gert inn á vellinum og hann er líka mikilvægur fyrir okkur í búningsklefanum."
Athugasemdir
