Freyr Alexandersson (til hægri).
Freyr Alexandersson fer með íslenska landsliðinu í leikinn gegn Úkraínu í undankeppni HM þann 5. september næstkomandi.
Freyr fylgdist með Úkraínu á EM í sumar og hann verður með íslenska landsliðinu í leiknum í Kiev.
Freyr fylgdist með Úkraínu á EM í sumar og hann verður með íslenska landsliðinu í leiknum í Kiev.
Arnar Bill Gunnarsson og Freyr verða njósnarar fyrir íslenska landsliðið í undankeppni HM.
Í kringum hvern leik í undankeppninni verður annar þeirra með íslenska liðinu en hinn verður úti í Evrópu að njósna um andstæðingana í næsta leik.
Arnar Bill verður því mættur að horfa á leik Finnlands og Kosovo þann 5. september en Ísland mætir Finnum í undankeppninni í október.
„Við viljum halda þeim sem mest í kringum hópinn og í kringum okkur Gumma (Guðmund Hreiðarsson) og Helga (Kolviðsson)," sagði Heimir Hallgrímsson, landsliðsþjálfari, á fréttamannafundi í dag.
Athugasemdir
