Gonzalo Higuain gefur lítið fyrir ásakanir þess efnis að hann sé í slöku líkamlegu ásigkomulagi en hvetur fólk til að halda áfram að kalla sig feitan.
Juventus borgaði um 90 milljónir evra fyrir þennan 28 ára gamla markahrók í sumar en mörgum stuðningsmönnum þótti Higuain mæta til leiks í alltof slöku formi.
„Það er betra ef þið haldið áfram að kalla mig feitan því ég mun bara halda áfram að skora mörk. Í alvöru talað er ég í góðu formi. Ég hef æft í 20 daga og ég skil ekki hvers vegna allir eru að pæla í þessu," segir Higuain.
Higuain svaraði gagnrýnisröddum með því að gera sigurmark Juventus gegn Fiorentina í fyrstu umferð Serie A um síðustu helgi.
„Mann dreymir um svona kvöld en þeir draumar rætast ekki alltaf. Í þetta skiptið gerðist það. Markið leit kannski út fyrir að vera auðvelt en þetta er erfiðara en það lítur út fyrir að vera," segir Higuain, heldrjúgur.
Athugasemdir