banner
   þri 23. ágúst 2016 09:30
Magnús Már Einarsson
Man Utd og Chelsea berjast um ungan Brassa
Powerade
Jurgen Klopp ætlar að senda Mamadou Sakho á lán.
Jurgen Klopp ætlar að senda Mamadou Sakho á lán.
Mynd: Getty Images
Jonny Evans er ekki ódýr.
Jonny Evans er ekki ódýr.
Mynd: Getty Images
Óvíst er hvort Joe Hart fari til Everton.
Óvíst er hvort Joe Hart fari til Everton.
Mynd: Getty Images
Rúm vika er í að félagaskiptaglugginn loki og ensku slúðurblöðin eru með ýmislegt áhugavert á boðstólnum í dag.



Sam Allardyce, landsliðsþjálfari Englendinga, útilokar ekki að fá John Terry aftur í landsliðið. (Guardian)

Marcus Rashford, framherji Manchester United, verður ekki í hópnum hjá Allardyce fyrir komandi leiki. Rashford hefur ekki spilað í fyrstu leikjum United á tímabilinu og hann verður í enska U21 árs landsliðinu. (Daily Express)

Óvíst er hvort Joe Hart fari til Everton á láni þar sem sá samningur kostar félagið sjö milljónir punda þegar allt er talið með. (Daily Mail)

Chelsea ætlar ekki að hækka tilboð sitt í Kalidou Koulibaly, varnarmann Napoli, en síðasta tilboð hljóðaði upp á 40 milljónir punda. (Daily Telegraph)

AC Milan hefur hafnað 30 milljóna punda tilboði frá Chelsea í varnarmanninn Alessio Romagnoli. (Sky Sports)

Nikola Maksimovic, varnarmaður Torino er einnig á óskalista Chelsea en Napoli hefur líka áhuga á honum. (Football Italia)

Claudio Bravo, markvörður Barcelona, gengur í raðir Manchester City á fimmtudaginn. (Sky Sports)

Barcelona kaupir Jasper Cillessen frá Ajax á 10,35 milljónir punda til að fylla skarð Bravo. (Marca)

Jurgen Klopp, stjóri Liverpool, ætlar að leyfa Mamadou Sakho að fara á láni til að komast í leikform. (Guardian)

Jose Mourinho vill kaupa Jose Fonte til Manchester United á tólf milljónir punda. Í staðinn þarf hann að láta einhverja af launaháum leikmönnum sínum fara. (Sun)

WBA vill ekki selja Jonny Evans til Arsenal fyrir lægri upphæð en 25 milljónir punda. (Daily Telegraph)

WBA vill fá Islam Slimani, framherja Sporting Lisabon. (Daily Star)

Inter hefur hafið viðræður við Newcastle um kaup á Moussa Sissoko. (Talksport)

Arsenal hefur spurst fyrir um Marcel Tisserand, varnarmann Monaco en Espanyol er líka að reyna að fá hann. (Daily Mirror)

Gabriel Barbosa, 19 ára framherji Santos, er á óskalista Manchester United, Chelsea og Leicester. (Daily Express)

West Ham vonast til að fá framherjann Wilfried Bony frá Manchester City. (Gazzetta World)

Mario Balotelli er á förum frá Liverpool en Bologna, Lazio og Chievo hafa öll áhuga á honum. (Gazzetta World)

Félög í Bandaríkjunum ætla að bjóða Wayne Rooney góða samninga ef hann fer frá Manchester United. (Daily Mirror)

Tottenham vill fá Munir, framherja Barcelona, en Everton og Stoke hafa líka áhuga. (Sport)

Watford og West Ham vilja fá bakvörðinn Daryl Janmaat frá Newcastle. (Daily Mail)
Athugasemdir
banner
banner
banner
banner