Á heimasíðu ÍBV kemur fram að það sé ekkert pláss fyrir áhorfendur á leiknum, aðeins sé pláss fyrir stuðningsmenn.

„Sú erfiða staða er komin upp að hrekja þarf okkar dyggustu áhorfendur frá vellinum að þessu sinni, þar sem ekki verður pláss fyrir áhorfendur á þessum leik," segir á heimasíðu ÍBV.

„Ástæðan er einfaldlega sú að nú verður stuðningsmönnum stillt upp í hvert stæði á vellinum og allir sem hingað til hafa talist til áhorfenda þurfa að breytast í stuðningsmenn."

„Myndum þéttan hóp í stúkunni og hvetjum liðið til sigurs."

Leikurinn hefst 16:00 á Hásteinsvelli á laugardaginn. Það verður vonandi tryllt stemning á vellinum í Eyjum.