Jordan Rossiter er einungis 17 ára gamall og fékk tækifærið til að spila sinn fyrsta aðalliðsleik fyrir Liverpool gegn Middlesbrough í deildabikarnum í kvöld.

Rossiter þakkaði heldur betur pent fyrir tækifærið og skoraði í sínum fyrsta leik með glæsilegu skoti af löngu færi.

Markvörður Middlesbrough var mættur nánast úr úr teig og hreinsaði boltann, þó ekki lengra en til Rossiter sem skaut svellkaldur í fyrsta og hnitmiðað skotið endaði í markinu.

Rossiter er aðeins 40 dögum frá því að vera yngsti markaskorari Liverpool í sögunni, en það met á sjálfur Michael Owen.

Miklar vonir eru bundnar við Rossiter í Bítlaborginni, en hann er talinn geta orðið jafn góður og Steven nokkur Gerrard.