Rúnar Páll Sigmundsson, þjálfari Stjörnunnar, viðurkennir að jafntefli hafi verið sanngjörn niðurstaða eftir að hans menn gerðu 0-0 jafntefli gegn Fjölni í Pepsi-deildinni í dag.
Stjarnan er þrátt fyrir jafnteflið enn með Íslandsmeistaratitilinn í sínum höndum, en liðið er tveimur stigum frá FH þegar tvær umferðir eru eftir og mæta Hafnfirðingunum í lokaumferðinni.
Stjarnan er þrátt fyrir jafnteflið enn með Íslandsmeistaratitilinn í sínum höndum, en liðið er tveimur stigum frá FH þegar tvær umferðir eru eftir og mæta Hafnfirðingunum í lokaumferðinni.
,,Ég held að stigið hafi bara verið sanngjarnt miðað við hvernig leikurinn þróaðist, við spilum ágætlega úti á velli en sköpum ekki mikið af færum. Þetta er sanngjarnt jafntefli," sagði Rúnar Páll við Fótbolta.net.
,,Við vorum allt of "naive" í að fara í gegnum miðjuna, að reyna að troða honum þar, þar sem Fjölnismenn voru þéttir fyrir. Við nýttum ekki okkar styrkleika, sem er að fara upp kantana og ná fyrirgjöf."
,,Nei, þetta er bara gleði og ánægja yfir því að fá að vera í þessari stöðu. Við erum í þeirri stöðu að geta verið Íslandsmeistarar, það er ánægja. Þetta er allt í okkar höndum ennþá."
Athugasemdir
