West Ham og Tottenham mættust í Lundúnaslag í dag sem bauð nánast upp á allt; mörk, rautt spjald og margt fleira.

Leikurinn var í járnum til að byrja með, en á 34. mínútu dró til tíðinda. Þá skoraði markahrókurinn Harry Kane, an hann var aftur á ferðinni aðeins fimm mínútum síðar. Hann kom Tottenham í 2-0.

Staðan var 2-0 í hálfleik, en í upphafi seinni hálfleiks voru gestirnir líklegri til að bæta við en West Ham að minnka muninn.

Spurs tókst svo að bæta við þegar Christian Eriksen skoraði þegar klukkutími var búinn af leiknum.

Javier Hernandez, Chicharito, tókst að minnka muninn á 65. mínúutu, en fimm mínútum eftir mark hans fékk Serge Aurier, bakvörður Tottenham, ansi klaufalegt rautt spjald. Hann fékk þá að líta sitt annað gula spjald fyrir glórulausa tæklingu.

West Ham tókst að minnka muninn í 3-2, en lengra komust þeir ekki. Sigur Tottenham staðreynd og þeir eru núna með 11 stig í þriðja sæti deildarinnar. West Ham er í 17. sæti með fjögur stig.

Leikir dagsins:
11:30 West Ham - Tottenham (Stöð 2 Sport)
14:00 Burnley - Huddersfield
14:00 Everton - Bournemouth
14:00 Manchester City - Crystal Palace
14:00 Southampton - Manchester United (Stöð 2 Sport)
14:00 Stoke - Chelsea
14:00 Swansea - Watford
16:30 Leicester - Liverpool (Stöð 2 Sport)

Hér að neðan má sjá stigatöfluna í deildinni, en það gæti tekið hana tíma að uppfæra sig.