Leicester City og Liverpool mættust í lokaleik dagsins í ensku úrvalsdeildinni, það var boðið upp á markaleik á King Power vellinum.

Það voru gestirnir sem náðu forystunni í leiknum, Mohamed Salah skallaði þá boltann í netið eftir sendingu frá Philippe Coutinho.

Næst var röðin komin að Philippe Coutinho sem skoraði frábært mark beint úr aukaspyrnu, það stefndi allt í það að Liverpool færi með tveggja marka forystu inn í hálfleikinn en svo fór ekki.

Shinji Okazaki tókast þá að koma boltanum í netið eftir hornspyrnu, 1-2 í hálfleik. Á 68. mínútu kom þriðja mark gestanna í Liverpool þá skoraði Jordan Henderson, 1-3 og gestirnir í góðum málum.

Jamie Vardy minnkaði svo muninn í eitt mark stuttu eftir þriðja mark gestanna, Vardy fékk svo tækifæri til að jafna metin fyrir heimamenn en hann lét Mignolet verja frá sér vítaspyrnu.

Liverpool tókst að hefna sín á Leicester með þessum 2-3 sigri, en Leicester slóg út Liverpool úr deildabikarnum í vikunni.