„Við stjórnuðum leiknum frá upphafsmínútu og til enda. Þetta var síðst of stór sigur," sagði Lárus Orri Sigurðsson, þjálfari Þórs, eftir 2-0 sigur á Leikni F. í Fjarðabyggðarhöllinni í dag.
„Við fengum helling af dauðafærum og áttum að skora fleiri mörk. Sigurinn var aldrei í hættu."
„Við fengum helling af dauðafærum og áttum að skora fleiri mörk. Sigurinn var aldrei í hættu."
Lestu um leikinn: Leiknir F. 0 - 3 Þór
Þórsarar enda þetta tímabil í fimmta sæti Inkasso-deildarinnar. Hefði Lárus tekið þessu fyrir tímabilið?
„Nei, það held ég ekki. Þetta er búið að vera erfitt tímabil hjá okkur og það hefur gengið á ýmsu. Nú lítum við til baka og skoðum hvað fór úrskeið og hvað fór vel og reynum að koma betri á næsta tímabili," sagði Lárus sem vildi síðan bæta við einu.
„Það er alltaf verið að gagnrýna mann eftir tapleiki þegar maður setur út á dómarana, en ég held að þessir ágætu menn sem dæmdu leikinn í dag hafi verið engan veginn tilbúnir til að takast á við þetta verkefni. Það er ekki þeim að kenna, þeir hefðu þurft öðruvísi verkefni til þess að verða betri dómarar til þess að komast upp í leiki Inkasso-deildinni. Enn og aftur segi ég við KSÍ að það verði að fara að gera eitthvað í þessum dómaramálum."
„Þeir eru ekki búnir að vera góðir í sumar og það þýðir ekki fyrir dómara að fara í fýlu við mig þegar ég gagnrýni þá."
„Ég vil að Guðni Bergs hætti að einbeita sér að stöðu yfirmanns knattspyrnumála og reddi dómaramálunum."
Sjáðu viðtalið í spilaranum hér að ofan.
Athugasemdir