Atletico Madrid og Sevilla mættust í hádegisleiknum á Spáni í dag.

Bæði lið hafa farið vel af stað á þessu leiktímabili og um toppslag var að ræða í dag. Sevilla var í öðru sæti og Atletico í því þriðja fyrir leikinn, en það munaði tveimur stigum á liðunum.

Atletico reyndist hins vegar sterkara liðið í dag.

Yannick Ferreira-Carrasco kom Atletico yfir í upphafi seinni hálfleiks og það var síðan Antonie Griezmann, hver annar, sem gerði út um leikinn á 70. mínútu með öðru marki Atletico.

Lokatölur 2-0 og núna er Atletico aðeins einu stigi frá toppliði Barcelona. Sevilla situr nú í þriðja sæti deildarinnar.