Ægir Jarl Jónasson.
Ægir Jarl Jónasson, miðjumaður Fjölnis, hefur fengið boð um að fara til reynslu hjá Sarpsborg í Noregi. Ægir fer til Noregs um miðjan næsta mánuð.
Hinn 19 ára gamli Ægir spilaði í sumar sitt þriðja tímabil í meistaraflokki með Fjölni.
Ægir spilaði tuttugu leiki í Pepsi-deildinni í sumar með Fjölni og tvo leiki í Borgunarbikarnum.
Samtals hefur Ægir spilað 41 leik með Fjölni í deild og bikar á ferli sínum.
Fyrr á þessu ári spilaði Ægir þrjá leiki með U21 árs landsliði Íslands en hann á einnig að baki leiki með U17 ára landsliðinu.
Athugasemdir
