„Við erum mjög góðar. Það var góður sigur í síðasta leik. Margt jákvætt sem við gerðum þar og okkur hlakkar til að spila á þriðjudaginn,“ sagði landsliðskonan Katrín Ásbjörnsdóttir í samtali við Fótbolta.net í Znojmo í gær. Framundan er mikilvægur landsleikur gegn Tékkum á þriðjudag og stelpurnar okkar í fullum undirbúningi.
„Í dag (gær) er búið að vera rólegt. Við erum búnar að vera að ná þreytu úr leikmönnum þannig að við verðum klárar á þriðjudaginn,“ sagði Katrín.
Hvað vitum við um Tékkneska liðið?
„Mjög lítið. Það er sannleikurinn. Við vitum að þær eru á uppleið og þær eru með mjög gott lið. Flestar þeirra leikmenn spila í Slavia Prag og Sparta Prag og þessi lið eru í Meistaradeildinni. Það segir ýmislegt. Við megum búast við erfiðum leik á þriðjudaginn og við þurfum að vera fókuseraðar á okkar.“
Katrín leikur með Stjörnunni sem er komin í 16-liða úrslit Meistaradeildarinnar og drógst þar gegn Slavia Prag. Hún er því á leið fljótlega aftur til Tékklands og við spurðum hvort hún væri ekki að verða sérfræðingur í tékkneskum fótbolta.
„Ég veit það ekki,“ svaraði Katrín og brosti. „Það verður gaman að mæta þeim en við þurfum að fókusera á verkefnið á þriðjudaginn og svo bíður hitt okkar Öglu Maríu þegar við komum heim. Við tökum eitt fyrir í einu. Það eru Tékkarnir á þriðjudaginn og við þurfum að taka þessi þrjú stig.“
Athugasemdir