Manchester City, Chelsea og Tottenham áttu flottar frammistöður um helgina og eiga þessi lið sína fulltrúa í úrvalsliðinu.
Úrvalslið helgarinnar er að þessu sinni sótt frá Sportskeeda.
Úrvalslið helgarinnar er að þessu sinni sótt frá Sportskeeda.
Markvörður - Hugo Lloris (Tottenham) - Átti stóran þátt í því að Liverpool skoraði aðeins eitt mark.
Varnarmaður - DeAndre Yedlin (Newcastle): Hægri bakvörðurinn var einn besti maður vallarins þegar hans lið vann 1-0 sigur gegn Crystal Palace.
Varnarmaður - Nicolas Otamendi (Manchester City): Öflugur á báðum enda vallarins í 3-0 sigri gegn Burnley. Skoraði eitt af mörkum City.
Varnarmaður - Virgil van Dijk (Southampton): Varnarmennirnir stóðu upp úr þegar Southampton vann 1-0 sigur gegn West Brom.
Hægri vængur - Pedro (Chelsea): Ekki stöðugasti leikmaður Chelsea en þegar hann er á deginum sínum er hann baneitraður. Þannig var hann gegn Watford.
Miðjumaður - Aaron Mooy (Huddersfield): Hefur verið frábær á tímabilinu en hann náði nýjum hæðum í sigrinum gegn Manchester United. Varnarmiðjumaðurinn var alltaf réttur maður á réttum stað og skoraði fyrsta mark leiksins.
Miðjumaður - Mesut Özil (Arsenal): Þaggaði niður í gagnrýnisröddunum. Fór á kostum gegn Everton og var sískapandi.
Vinstri vængur - Junior Stanislas (Bournemouth): Tók leikinn yfir þegar Bournemouth heimsótti Stoke. Mark og stoðsending í 2-1 sigri.
Sóknarmaður - Michy Batshuayi (Chelsea): Kom inn á 61. mínútu og gerði gæfumuninn. Átti fjórar marktilraunir og skoraði tvívegis í sigrinum gegn Watford.
Athugasemdir