Króatíski varnarmaðurinn Dejan Lovren fjarlægði orðið „Liverpool" af lýsingu á Instagram síðu sinni eftir 4-1 tapið gegn Tottenham. Þá fjarlægði hann mynd af sér og lokaði á að hægt væri að skrifa ummæli.
Lovren var skelfilega slakur í leiknum á Wembley. Hann gerði dýrkeypt mistök og var tekinn af velli í fyrri hálfleik.
Peter Schmeichel, fyrrum markvörður Manchester United, segir að það sé ósanngjarnt að Lovren fái allar fyrirsagnirnar. Það ætti í raun að vera Jurgen Klopp, stjóri Liverpool.
Martin Keown, fyrrum varnarmaður Arsenal, sagði í samtali við BBC í gærkvöldi:
„Þessi skipting eftir hálftíma var niðurlægjandi fyrir hann. Þetta hefur verið löng ganga fyrir hann á bekkinn, þar sem hann hefur setið og velt því fyrir sér hvort ferli sínum hjá Liverpool væri lokið," segir Keown.
Varnarleikur Liverpool hefur fengið mikla gagnrýni.
Athugasemdir