Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fim 23. nóvember 2017 23:30
Ívan Guðjón Baldursson
Audi gaf aðalliði Real Madrid bíla
CR7 valdi RS7.
CR7 valdi RS7.
Mynd: Getty Images
Bílaframleiðandinn Audi er meðal styrktaraðila Real Madrid og fengu leikmenn félagsins að velja sér eina bifreið á mann eftir 6-0 sigur gegn APOEL Nicosia í Kýpur.

Hinn 32 ára gamli Cristiano Ronaldo, sem skoraði tvö í leiknum og bætti þar með markametið í Meistaradeildinni aftur, valdi Audi RS7 bifreiðina sem er metin á um 150 þúsund pund á meginlandi Evrópu, eða rúmar 20 milljónir íslenskra króna.

Sergio Ramos fór í dýrustu bifreiðina, sportbílinn R8 Spyder sem kostar tæplega 28 milljónir króna.

Gareth Bale og Isco völdu plássmeiri bifreiðar fyrir fjölskyldurnar en Dani Ceballos og Mateo Kovacic fengu ódýrustu bílana, Audi Q7 Sport.

Þá fóru allir leikmennirnir í kappakstur í formúluhermi Audi. Dani Carvajal vann kappaksturinn, Ramos var í öðru og Marco Asensio í þriðja.
Athugasemdir
banner
banner
banner