Félög í Noregi, Svíþjóð og Þýskalandi hafa sýnt Rakel Hönnudóttur fyrirliða Breiðabliks áhuga en þetta staðfesti hún í samtali við Fótbolta.net í dag.
Rakel, sem er í íslenska landsliðinu, ætlar að taka ákvörðun á næstu vikum.
Rakel, sem er í íslenska landsliðinu, ætlar að taka ákvörðun á næstu vikum.
„Ég er að hugsa mín mál. Þetta er ekkert komið á hreint. Það getur verið að ég verði áfram á Íslandi en það er líka áhugi að utan," sagði Rakel við Fótbolta.net í dag.
„Ég ætla að reyna að taka ákvörðun einhverntímann í desember með þetta. Ég vil ekki bíða of lengi."
Rakel hefur verið í lykilhlutverki hjá Breiðabliki síðan hún kom til félagsins frá Þór/KA fyrir tímabilið 2012.
Unnusti hennar Andri Rúnar Bjarnason samdi á dögunum við Helsingborg í Svíþjóð.
Sjá einnig:
Heimsókn með Arnari Arnarssyni - Heitasta fótboltapar landsins
Athugasemdir