Gylfi Þór Sigurðsson var hlutskarpastur þegar nokkrir leikmenn íslenska landsliðsins spreyttu sig í fótboltaspilinu Beint í mark í ferð liðsins í Katar á dögunum.
Landsliðsmaðurinn Jóhann Berg Guðmundsson er einn af þeim sem koma að útgáfu spilsins og hann tók spil með nokkrum liðsfélögum sínum í síðustu viku.
Auk Jóhanns og Gylfa voru þeir Aron Einar Gunnarsson, Sverrir Ingi Ingason og Rúrik Gíslason með í spilinu.
„Við spiluðum tvisvar. Í fyrra skiptið var einstaklingskeppni þar sem Gylfi vann, sem kom gríðarlega á óvart. Það kom líka töluvert á óvart að Sverrir Ingi rak lestina og var í síðasta sæti,“ sagði Jóhann í viðtali við Fréttablaðið.
Landsliðsstrákarnir tóku síðan aðra keppni sem var liðakeppni en þar bættist Alfreð Finnbogason í hópinn.
„Þá voru herbergisfélagar saman í liði. Að sjálfsögðu vorum það við Alfreð sem unnum. Rúrik og Aron voru í neðsta sæti,“ sagði Jóhann við Fréttablaðið.
„Menn voru gríðarlega ánægðir með spilið og það var löngu kominn tími á svona fótboltaspil þar sem við gætum reynt á fótboltakunnáttu okkar."
Beint í mark er komið í 70 verslanir um allt land, Þú finnur Beint í mark í eftirfarandi verslunum: Bónus, Hagkaup, Nettó, Pennanum, Elko, Byko, Kjörbúðum, Spilavinum, Jóa Útherja, Heimkaup, Ozone Akranesi og í Kaupfélagi Skagfirðinga.
Smelltu hér til að fræðast meira um Beint í mark!
Athugasemdir