Ljóst er að miðvörðurinn Alan Lowing verður ekki með Víkingi Reykjavík í Pepsi-deildinni næsta sumar.
„Konan hans býr erlendis og hann telur það ólíklegt að hann spili á Íslandi á næsta ári," sagði Heimir Gunnlaugsson, varaformaður knattspyrnudeildar Víkings, við Fótbolta.net í október.
Nú er ljóst að Löwing verður ekki með Víkingum en liðið fékk Sölva Geir Ottesen í sínar raðir í gær. Hér að neðan má sjá viðtal við Sölva.
Lowing hefur leikið á Íslandi síðan 2011 en hann kom fyrst í Fram og varð bikarmeistari með liðinu 2013. Hann gekk svo í raðir Víkings fyrir tímabilið 2014.
Í gær var einnig greint frá því að Gunnlaugur Hlynur Birgisson hefði komist að samkomulagi við Víkinga um að spila með þeim næsta sumar.
Athugasemdir