lau 24. janúar 2015 12:45
Arnar Geir Halldórsson
Gilardino á leiðinni til Fiorentina
Gilardino kominn aftur til Fiorentina
Gilardino kominn aftur til Fiorentina
Mynd: Getty Images
Alberto Gilardino er við það að ganga til liðs við Fiorentina en hann kemur á láni frá kínversku meisturunum í Guangzhou Evergrande.

Alessandro Diamanti fór sömu leið fyrr í mánuðinum en leikmennirnir entust ekki lengi í kínverska boltanum. Gilardino spilaði 14 leiki fyrir Guangzhou en Fabio Cannavaro er þjálfari liðsins.

Gilardino gekkst undir læknisskoðun í morgun og vonast forráðamenn Fiorentina til þess að hann verði klár í slaginn þegar liðið fær Roma í heimsókn annaðkvöld. Gilardino lék fyrir Fiorentina frá 2008-2012 þar sem hann skoraði 48 mörk í 118 leikjum en kappinn á 57 landsleiki fyrir Ítalíu.

Fiorentina getur keypt Gilardino þegar lánssamningurinn klárast. Liðið er í 6.sæti Serie A, aðeins þrem stigum frá Meistaradeildarsæti.


Athugasemdir
banner
banner
banner