Matthías Vilhjálmsson, leikmaður Start í Noregi sakar norska fjölmiðla um slæleg vinnubrögð og segir orð sín hafa verið tekin úr samhengi.
Matthías var á skotskónum í Flórída á dögunum þegar íslenska landsliðið atti kappi við Kanada í tveim æfingaleikjum. Hann var í viðtali við Aftenbladet þar sem hann ræddi meðal annars samkeppnina um framherjastöðuna í landsliðinu.
Vefsíða norska blaðsins hafði eftir Matthíasi að Alfreð Finnbogason fengi fá tækifæri hjá Lars Lagerback þar sem hann væri ekki nógu duglegur. Matthías segir farir sínar ekki sléttar og sakar blaðið um sorp blaðamennsku á Twitter-síðu sinni í dag.
Hér að neðan má sjá twitt frá Matthíasi í kjölfar fréttarinnar.
Vil koma á framfæri að ég sagði aldrei þessi orð um @A_Finnbogason. Hann er ljósárum á undan mér í boltanum og ég myndi aldrei segja þetta!
— MatthíasVilhjálmsson (@MattiVilla) January 24, 2015
Það sem ég sagði var að framherjar Íslands væru frábærir í dag og til að mynda væri einn markahæsti leikmaður í Evrópu ekki að fá séns vegna
— MatthíasVilhjálmsson (@MattiVilla) January 24, 2015
Þess að Lars og Heimir teldu hann ekki passa jafnvel með Kolbeini, eða að því virtist!
— MatthíasVilhjálmsson (@MattiVilla) January 24, 2015
Og af hverju ætti ég sem leikmaður í botnbaráttunni í Noregi að setja út á leikmann sem var seldur á 8m evra og markavel. Er ekki grillaður!
— MatthíasVilhjálmsson (@MattiVilla) January 24, 2015
Athugasemdir