Mkhitaryan má ekki spila fyrir Arsenal í dag.
Henrikh Mkhitaryan má ekki spila með Arsenal þegar liðið fær Chelsea í heimsókn í undanúrslitum enska deildabikarsins í kvöld. Mkhitaryan er ekki gjaldgengur með Arsenal í keppninni eftir að hafa spilað með Manchester United í henni á tímabilinu.
Mkhitaryan og Alexis Sanchez skiptu um lið á mánudag og verður þetta fyrsti leikur Arsenal eftir skiptin.
Mkhitaryan og Alexis Sanchez skiptu um lið á mánudag og verður þetta fyrsti leikur Arsenal eftir skiptin.
Þetta er seinni leikur Arsenal og Chelsea í undanúrslitum og er sæti í úrslitaleiknum á Wembley í húfi. Fyrri leikurinn á Stamford Bridge endaði með markalausu jafntefli.
Leikurinn í kvöld hefst 20:00 og er í beinni útsendingu á Stöð 2 Sport. Sigurliðið mætir Manchester City í úrslitum.
Leikur kvöldsins:
20:00 Arsenal - Chelsea (Stöð 2 Sport)
Athugasemdir
