Enskir stuðningsmenn vilja helst fá Ísland úr þriðja styrkleikaflokki í drættinum fyrir Þjóðadeildina í dag. Dregið er klukkan 11 en England er í öðrum styrkleikaflokki.

Englendingum er ferskt í minni 2-1 tapið gegn Íslandi í 16-liða úrslitum á EM í Frakklandi sumarið 2016.

Á Twitter síðu enska landsliðsins er könnun þar sem stuðningsmenn geta kosið hvaða andstæðingum þeir vonast eftir í drættinum.

Þegar þetta er skrifað er Ísland með 41% atkvæða af liðunum í styrkleikaflokki þrjú. Holland er með 28%, Króatía 16% og Pólland 5%.