Sanchez kvaddi Arsenal í vikunni.
Arsenal goðsögnin Thierry Henry hefur birt færslu á Twitter þar sem hann blæs á sögusagnir þess efnis að hann hafi sagt Alexis Sanchez að fara frá félaginu og ganga í raðir Manchester United.
Sanchez birti einnig færslu á Twitter í dag þar sem hann sagði slíkt hið sama.
Sanchez birti einnig færslu á Twitter í dag þar sem hann sagði slíkt hið sama.
Forsaga málsins er færsla sem Sanchez setti á Instagram þegar skiptin gengu í gegn. „Ég man í dag eftir spjalli sem ég átti vð Henry sem skipti um félag af sömu ástæðu og núna er komið að mér," sagði Sanchez á Instagram.
Henry, sem fór frá Arsenal til Barcelona árið 2007, segist ekki hafa sagt Sanchez að fara.
„Ég veit að ég þarf ekki að útskýra þetta fyrir flesta stuðningsmenn Arsenal en þrátt fyrir sögusagnir þess efnis þá sagði ég Alexis Sanchez aldrei að fara frá Arsenal. Ég hafði ekki hugmynd um að hann væri á leið til Man Utd fyrr en ég sá þetta í fréttunum eins og þið hin," sagði Henry á Twitter.
Sanchez sagði slíkt hið sama í dag. „Ég vil koma því á hreint að Henry sagði mér aldrei að fara frá félaginu, þetta var persónuleg ákvörðun ... hann ELSKAR félagið og einn daginn væri gaman að sjá hann sem þjálfara Arsenal því hann elskar félagið," sagði Sanchez á Twitter í dag.
I know I don’t need to explain this to the majority of Arsenal fans but contrary to speculation at no time did I tell Alexis Sanchez to leave Arsenal. I had no idea he was going to sign for Man Utd until I saw it on the news like the rest of you.
— Thierry Henry (@ThierryHenry) January 23, 2018
I want to clarify that Henry never told me to leave the club, it was a personal decision ... he LOVES the club and someday it would be nice to see him as the arsenal coach because he loves the club ...
— Alexis Sánchez (@Alexis_Sanchez) January 24, 2018
Athugasemdir
