„Við lofum að halda mót þar sem alvöru ástríða verður til staðar og við munum fagna í krafti sameiningar og friðar. Ef við fáum mótið mun fótboltinn, ungt fólk í landinu okkar, Afríka og heimurinn vinna," segir Moulay Hafid Elalamy. formaður umsóknarnefndar Marokkó.

Þetta er í fimmta sinn sem Marokkó sækir um HM. Þjóðin sótti um að halda mótið 1994, 1998, 2006 og 2010. Árið 2010 var HM í Suður-Afríku en það var í fyrsta sinn sem keppnin var haldin í Afríku.

Elalamy segir að Marokkó sé meira en tilbúið til að halda HM en keppnin verður stækkuð fyrir 2026 og munu 48 lið taka þátt í lokakeppninni.

HM verður í Rússlandi í sumar og í Katar 2022.