Lengjubikarinn: Guðmundur Atli tryggði Blikum sigur á Selfossi

Fyrsta leik dagsins í Lengjubikarnum var að ljúka, en Selfoss og Breiðablik mættust á JÁVERK-vellinum á Selfossi.

Þetta var leikur í A-deild karla, en liðin leika í Riðli 2. Blika munu að venju leika í Pepsi-deild karla á komandi tímabili á meðan Selfyssingar leika í 1. deild.

Þá að leiknum, sem var að ljúka, en Blikar voru sterkari aðilinn eins og búast mátti við. Þeir komust yfir þegar þrjár mínútur voru eftir af fyrri hálfleik, en markið skoraði Guðmundur Atli Steinþórsson.

Það reyndist eina mark leiksins, en að loknum honum er Blikar með tíu stig í öðru sæti riðilsins. Selfoss er án stiga í næst neðsta sæti.