Aston Villa greinir frá því á Twitter í dag að Birkir Bjarnason verði fjarverandi í einn mánuð í viðbót vegna meiðsla sem hann varð fyrir í leik gegn Rotherham þann 4. mars síðastliðinn.
Birkir meiddist á hné og talið var að hann yrði frá í sex til átta vikur í kjölfarið.
Aston Villa segir nú að mánuður sé í endurkomu hans.
Birkir missir af sínum fyrsta mótsleik með íslenska landsliðinu síðan 2011 þegar liðið mætir Kosóvó í kvöld.
Hann ætti hins vegar að vera kominn í fínt form á nýjan leik fyrir leikinn gegn Króatíu í júní.
📝️⚽️ Injury news: Gabby Agbonlahor in full training return this weekend...@RushCMPT next week. Birkir Bjarnason out another month. #AVFC pic.twitter.com/g0v1qUa1zL
— Aston Villa FC (@AVFCOfficial) March 24, 2017
Athugasemdir