„Fyrri hálfleikurinn var á heildina frekar góður en seinni hálfleikur var slakur. Þetta var frekar ljótt en stundum þarf maður að vinna svona," sagði Ragnar Sigurðsson eftir sigur Íslands gegn Kosóvó.
Lestu um leikinn: Kosóvó 1 - 2 Ísland
„Ég ber mikla virðingu fyrir þessu liði Kosóvó. Þeir eru flinkir og börðust allan leikinn. Þetta er flott lið."
Atdhe Nuhiu sem skoraði mark Kosóvó er líkamlega sterkur og Raggi segir að hann hafi verið erfiður viðureignar.
„Hann er stór og sterkur og fínn í fótbolta. Hann er góður í að nota líkamann. Þegar Kári vinnur ekki öll sín skallaeinvígi þá veit maður að það er eitthvað „beast" inni á vellinum."
Ragnar hefur verið úti í kuldanum hjá Fulham og segir það hafa verið frábært að komast út á völlinn aftur.
„Ég er búinn að bíða lengi eftir þessum leik. Ég hef aldrei undirbúið mig eins vel fyrir fótboltaleik. Þetta var erfiðara fyrir mig því ég er ekki í 100% leikformi. En ég er í mjög góðu líkamlegu formi."
Viðtalið má sjá í heild í sjónvarpinu hér að ofan.
Athugasemdir