Alfreð Finnbogason skoraði mark Augsburg í 1-1 jafntefli liðsins gegn Greuther Fürth í gær. Um var að ræða æfingaleik sem var leikinn bakvið luktar dyr.
Alfreð skoraði mark Augsburg með þrumuskoti á 18. mínútu leiksins.
Alfreð skoraði mark Augsburg með þrumuskoti á 18. mínútu leiksins.
Þetta var fyrsti leikur Alfreðs síðan í október en þá fór hann af velli í leik Íslands og Tyrklands.
Alfreð hefur síðan þá verið að glíma við þrálát nárameiðsli en um er að ræða bólgur í lífbeini sem leiða niður í nárann.
Undanfarnar vikur hefur Alfreð verið að komast í gang á nýjan leik á æfingum og nú styttist í endurkomu hans í þýsku Bundesliguna.
Hér að neðan má sjá myndband úr leiknum en mark Alfreðs kemur eftir rúma eina mínútu.
Myndbandsdómarar voru prófaðir í leiknum og í myndbandinu má sjá þegar dómarinn dæmir vítaspyrnu sem var síðan breytt í aukaspyrnu þar sem brotið var utan teigs.
Athugasemdir