Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 24. mars 2017 18:54
Guðmundur Aðalsteinn Ásgeirsson
Undankeppni HM: Tyrkland komið upp fyrir Ísland
Icelandair
Tyrkir unnu þægilegan sigur á Finnlandi.
Tyrkir unnu þægilegan sigur á Finnlandi.
Mynd: Getty Images
Tyrkland er komið fyrir ofan Ísland í I-riðlinum í undankeppninni fyrir HM í Rússlandi árið 2018. Tyrkir áttu ekki í miklum vandræðum með Finnland í leik sem var að klárast.

Cenk Tosun, sem spilaði hálftíma þegar Tyrkir töpuðu gegn Íslandi í október á síðasta ári, var á skotskónum í dag. Hann kom Tyrklandi yfir á níundu mínútu og bætti við öðru marki fjórum mínútum síðar.

Það voru svo ekki skoruð fleiri mörk eftir það og lokatölur urðu 2-0 í Tyrklandi í dag, en Ísland vann bæði þessi lið á Laugardalsvelli.

Tyrkland kemst með þessum sigri upp fyrir Ísland í riðlinum. Tyrkland er núna með átta stig í þriðja sæti á meðan Ísland er með sjö í sætinu fyrir neðan. Finnland er aðeins með eitt stig.

Í hinum leiknum sem var að ljúka vann Serbía útisigur á Georgíu. Heimamenn komust yfir, en Serbar komu til baka og unnu að lokum með þremur mörkum gegn einu. Serbar er núna á toppnum í D-riðli.

D-riðill
Georgía 1 - 3 Serbía
1-0 Nika Kacharava ('6 )
1-1 Dusan Tadic ('45 , víti)
1-2 Aleksandar Mitrovic ('64 )
1-3 Mijat Gacinovic ('86 )

I-riðill
Tyrkland 2 - 0 Finnland
1-0 Cenk Tosun ('9 )
2-0 Cenk Tosun ('13 )
Athugasemdir
banner
banner
banner
banner