Víður úr Garði og Reynir Sandgerði mættust í Suðurnesjaslag í B-deild Lengjubikarsins og var montréttur í húfi.

Það var mikil barátta í þessum leik en í fyrri hálfleiknum komst Víðir tvisvar yfir en Reynir jafnaði tvisvar og var staðan 2-2 í hálfleik. Magnús Þórir Matthíasson, sem kom til Reynis á dögunum jafnaði metin stuttu fyrir hlé í 2-2.

Seinni hálfleikurinn var markalaus framan af og stefndi í það á tímapunkti að liðin myndu skiptast á jafnan hlut en annað kom á daginn þar sem Andri Gíslason skoraði sigurmark Víðis þegar lítið var eftir af venjulegum leiktíma.

Lokatölur 3-2 fyrir Víðismenn og var þetta þriðji sigur liðsins í fjórum leikjum. Góðar líkur eru á því að liðið endi í öðru sæti á eftir Gróttu sem hefur unnið riðilinn. Reynir er með einn sigur úr fimm leikjum.

Markaskorarar af urslit.net