Chelsea mun ekki fá refsingu frá enska knattspyrnusambandinu ef knattspyrnustjórinn Jose Mourinho teflir fram varaliði gegn Liverpool á sunnudag.
Reglum hefur verið breytt síðan Blackpool fékk umtalaða sekt 2011 fyrir að hvíla of marga leikmenn.
Reglum hefur verið breytt síðan Blackpool fékk umtalaða sekt 2011 fyrir að hvíla of marga leikmenn.
Mourinho hefur sagt að forgangsatriði sé Meistaradeildin þar sem Chelsea mætir Atletico Madrid í undanúrslitaleik í næstu viku, þremur dögum eftir leikinn gegn Liverpool. Hann hefur talað um að spila á varaliði á sunnudag og hefur fengið grænt ljós til þess frá Roman Abramovich.
Chelsea varð síðast Englandsmeistari 2010 en liðið er í öðru sæti núna, fimm stigum á eftir Liverpool og aðeins stigi á undan Manchester City sem á leik til góða.
Miðjumennirnir Frank Lampard og John Obi Mikel spila líklega báðir á Anfield þar sem þeir eru í banni í seinni leiknum gegn Atletico. Þá eru Nemanja Matic og Mohamed Salah ekki löglegir í Evrópuleiknum.
Þrátt fyrir að Mourinho muni stilla upp „veiku liði" gegn Liverpool er líklegt að byrjunarlið Chelsea verði dýrara en Liverpool þegar farið er eftir kaupverði.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir